عمليات تسليك ندبات حب الشباب والسنفرة
1.جلسات السنفرة:
ندبات حب الشباب واحدة من أكتر المشاكل الجلدية شيوعا عند الناس في مرحلة المراهقة و الشباب بعد التعافي من حب الشباب ، مشكلتها الأكبر بسبب إنها لما بتتكون بتسبب تكوين تليفات في طبقات الجلد ، و دا بيزود من صعوبة تعافي الجلد و اختفاء الندبات ، دا غير إن الملمس الخشن أو وجود الحفر في الوجه بيسبب مشاكل نفسية لصاحبها و بتقلل من ثقته في نفسه .
و لكن مع تقدم الطب ، خصوصا في مجال التجميل و علاج الأمراض الجلدية ، بقا في حلول كتيرة لعلاج ندبات و آثار حب الشباب .
أبرز علاجات آثار حب الشباب هي :
- جلسات سنفرة البشرة
- جلسات عمليات تسليك ندبات حب الشباب
- جلسات السنفرة هي الأكتر شيوعا في المراكز التجميلية ، بيتم من خلالها إزالة الطبقة الخارجية من الجلد الميت ، اللي بتكون ملوثة بالأتربة و الأوساخ ، و دا بيسمح لطبقات الجلد إنها تتجدد و تفرز مادة الكولاجين اللي بيعيد للبشرة حيويتها .
جلسات سنفرة البشرة بتساعد على علاج حاجات كتيرة منها :
- الخطوط و التجاعيد الدقيقة خصوصا حول الفم
- الندوب الجراحية و ندوب حب الشباب
- بقع الشمس و بقع التقدم في العمر
مهم جدا إنك قبل جلسة السنفرة إنك تتبعي الخطوات دي :
- متحطيش أي كريمات و لا مستحضرات التجميل
- اهتمي بنضافة بشرتك
- لو بتاخدي أدوية معينة ، عرفي بيها طبيب الجلدية .
بعد جلسة سنفرة البشرة لازم تلتزمي بخطوات مهمة ، عشان تضمني نجاح الجلسة :
- استخدمي واقي للشمس عالي الحماية ، لإن بشرتك بتكون حساسة جدا .
- احرصي على تناول الأدوية الموصوفة سواء مسكنات أو مضادات حيوية .
عمليات تسليك ندبات حب الشباب والسنفرة
2.جلسات تسليك ندبات حب الشباب :
و دي عملية بتتم بعد علاج حب الشباب بالكامل ، و وجود الندبات فقط بدون حبوب جديدة ، بيتم من جلالها إدخال إبرة أو جهاز تحت سطح الجلد ، و تقطيع التليفات الناتجة أثناء علاج حب الشباب .
جلسات التسليك مش بتكون بس لندبات حب الشباب ، ممكن تكون لعلاج ندبات تانية زي ندبات الجروح و الندبات الناتجة عن الحروق و الجراحات .
أهم مميزات جلسات تسليك ندبات حب الشباب هي :
- فترة تعافي و نتايج سريعة .
- تكلفتها أقل مقارنة بالجلسات الأخرى .
- بتشتغل على الطبقات الداخلية من البشرة مش على السطح ، و دا بيخلي التورم أقل و التعافي أسرع .
- محتاجة عدد جلسات قليل عشان توصلي للنتيجة المطلوبة.
- تساعد على تحفيز الطبقات العميقة من البشرة على إفراز مادة الكولاجين ، و دا بيزود من مرونة البشرة و حيويتها ، و بيقلل من حجم الندوب.