خدمات الليزر

1.إزالة الشعر بالليزر للسيدات والرجال

جلسات إزالة الشعر بالليزر هي أهم استخدام في القرن الـ21 في مجال الليزر التجميلي ، بيتم من خلاله تسليط الليزر على الجلد اللي فيه الشعر الزايد الغير مرغوب فيه ، و الليزر بيستهدف منه صبغة الميلانين الموجودة في الشعرة نفسها ، فيوصل لبصيلة الشعرة دي و يسبب تلفها تماما بحيث تفقد قدرتها على إنتاج الشعر مرة تانية .

جلسات إزالة الشعر بالليزر بتحتاج حوالي من 8-12 جلسة عشان نوصل للنتايج المطلوبة تختلف حسب نوع الجهاز و المنطقة اللي بتعملي عليها الجلسة، لكن بيتم ملاحظة إن الشعر بدأ يقل نموه أو يتوقف في مناطق معينة من الجسم .

جلسات إزالة الشعر بالليزر ممكن تتعمل على أي مكان في الجسم ، و بتختلف عدد الجلسات و التأثير حسب المنطقة و سمك الشعرة و لونها ، كل ما كانت البشرة فاتحة و الشعرة غامقة و سميكة ، بيكون تأثير الجلسة أوضح و النتايج أسرع .

في مركز Skin Way جلسات الليزر مختلفة عندنا لإننا بنستخدم أحدث جهاز ديكا موتوس اي واي الإيطالي .

مميزات جهاز ديكا في جلسات إزالة الشعر هي :

• أكتر الأجهزة أمان على البشرة
• نتايجة سريعة و دقيقة .
• مناسب لكل ألوان و سمك الشعر.
• مناسب لكل درجات لون البشرة.
• نظام تبريد عالي يمنع تكوين أي حروق ، يساعد على عدم الشعور بأي ألم
• بيتخلص من جلد الوزة المزعج

خدمات الليزر

2.ليزر علاج دوالي الساقين والشعيرات الدموي

الدوالي مشكلة بتظهر عند مجموعة كبيرة من الناس سببها إلتواء و تضخم الأوردة السطحية القريبة من سطح الجلد ، ف دا بيخلي الصمامات اللي في الأوردة ضعيفة ، و بالتالي الدم تدفقه بيكون أبطأ و بيبدأ يتجمع في الأوردة و الشعيرات الدموية ي و يسبب ظهورها على سطح الجلد على شكل شبكة لونها بنفسجي أو أزرق غالبا بتكون ظاهرة في الساقين .

الدوالي ممكن تظهر على سطح البشرة بدون أي أعراض ، و ممكن تسبب ألم و إحساس بالحكة نتيجة احتقان الدم .

عوامل تزود من خطر الإصابة بدوالي الساقين :

• الوقوف أو الجلوس المتكرر و لفترات طويلة
• السيدات ، بسبب تغييرات الهرمونات خلال فترات حياتهم المختلفة
• السمنة ، لإنها بتزود من الضغط على أوردة الساقين
• العامل الوراثي و وجود إصابات بالفعل عند أفراد الأسرة
• العمر ، لإن مع التقدم في العمر صمامات الأوردة بتبدأ تضعف و تسبب تجمع الدم في الأوردة
• الحمل ، لإن كمية ضخ الدم بتزيد ، بالتالي بتسبب توسع الأوردة في الدم

دلوقتي و بفضل تكنولوجيا الليزر في علاج الأمراض الجلدية ، و التجميل ، بقا ممكن تتخلصي من دوالي الساقين المزعجة و تعالجيها عن طريق جلسات الليزر .

الخطوات المتبعة خلال جلسة علاج دوالي الساقين في مركز Skin Way :

1. تقييم جميع أوردة الساقين و الشعيرات الدموية السطحية و تحديد الأوردة و الشعيرات الدموية المصابة .
2. وضع كريم مخدر على المكان اللي هيتعالج ، عشان يقلل الإحساس بالألم .تسليط الليزر على الأوردة و الشعيرات الدموية المصابة ، و الليزر هيسبب إنصهار الوريد و موته بالتالي هيقفل تماما و يختفي عن سطح الجلد ، في جلسة لا تزيد عن الساعة .
3. بعد الجلسة و على حسب الحالة ، الدكتور بيحدد إذا هتحتاجي جلسة تانية و لا لأ و معادها .
4. تقدري ترجعي تمارسي حياتك اليومية تاني في نفس اليوم و بشكل طبيعي .

أكبر مميزات ليزر علاج دوالي الساقين و الشعيرات الدموية :

• مدة الجلسة قصيرة ، يعني هتتخلصي من المشكلة بسرعة.
• بدون ألم أو مضاعفات زي حالات التدخل جراحي .
• فرصة رجوع الدوالي بعد جلسة الليزر أقل بكتير من الطرق التانية ، يعني تقدري تطمني إنك مش هتعاني منها تاني إن شاء الله .
• نتايج فورية و مذهلة

خدمات الليزر

3.ليزر علاج الوحمات الصبغية:

الوحمات الصبغية ممكن تكون موجودة من وقت الولادة أو بعدها بفترة قصيرة ، خصوصا لأصحاب البشرة الفاتحة . تتكون الوحمات الصبغية من إنقسام زايد في الخلايا المنتجة لصبغة الميلانين في منطقة معينة ممكن تكون صغيرة أقل من 2 سم و ممكن تكون كبيرة ، و ساعات بتوصل لأكتر من 20 سم و في الحالتين حجم الوحمات الصبغية بيكبر مع نمو الطفل .

عدد الوحمات مش ثابت للفرد الواحد و، و ليها مواصفات معينة زي :

• شكل بيضاوي أو دائري
• لونها أغمق من لون الجلد نتيجة تراكم صبغة الميلانين
• ممكن تكون أخشن من ملمس الجلد الطبيعي ، و ساعات بتكون مجعدة.
• ممكن ينمو فيها شعر زايد بكميات أكبر من طبيعة الجسم

الوحمات الصبغية لو كانت صغيرة و بعيدة عن منطقة العمود الفقري ، بتكون آمنة و مفيش منها أي خطر للإصابة بسرطان الجلد (Melanoma) ، غير كدا فهي مش بتسبب أي مشاكل في صحة الإنسان ، غير الشكل الغير مرغوب فيه .

في مركز Skin Way ، تقدري تتخلصي من الوحمات الصبغية تحت إشراف نخبة من أطباق الجلدية عن طريق جلسات الليزر .

في جلسات إزالة الوحمات الصبغية بالليزر ، بيتم من خلالها تسليط نوع خاص من الليزر على الوحمة ، و الليزر دا بينتج حرارة و ضوء بيساعدوا على تكسير صبغة الميلانين المتراكمة في الوحمة ، و بالتالي يقل اللون تدريجية لحد ما يبقى قريب من لون الجلد

كل ما بدأتي في علاج الوحمات الصبغية بدري ، كل ما كانت النتيجة أحسن

عشان توصلي للنتيجة المطلوبة ، بتحتاجي تعملي أكتر من جلسة ليزر .

خدمات الليزر

4.ليزر علاج فطريات الأظافر :

في بعض الأحيان ، نتيجة لأسباب كتيرة ممكن نتعرضلها ، أظافرنا بيجيلها عدوى فطرية .

عدوى الأظافر الفطرية بتكون صعبة في علاجها ، لإنها بتكون في طبقات الجلد اللي تحت الظفر نفسه ، بالتالي بيبقى صعب إن الأدوية توصلها ، و دا بيسبب طول مدة العلاج اللي ممكن توصل لشهور أو ممكن سنة .

التوجه الجديد في عالم علاج الأمراض الجلدية بيركز على جلسات الليزر لعلاج فطريات الأظافر.

خلال جلسة الليزر ، بيتم تسليط الجهاز على الأظافر المصابة ،بعدين بتبدأ الطاقة بتاعت الليزر تولد حرارة ، بتخترق الضافر و الأنسجة المحيطة بيه لحد ما توصل لفراش الظفر ، و دا المكان اللي الفطريات بتتجمع فيه .

الحرارة الناتجة عن الليزر بتبدأ تدمر الأنسجة المصابة و تقتل الفطريات الموجودة بالفعل، و بعد عدة جلسات بنوصل للنتيجة المطلوبة دا غير تعقيم مكان الإصابة عن طريق الليزر عشان نقلل من فرصة تكرارها .

دلوقتي في مركز Skin Way وفرنا جلسات علاج فطريات الأظافر بالليزر .

مميزات جلسات الليزر لعلاج فطريات الأظافر كتيرة منها :

• تدمير الفطريات: تعريض الفطريات لحرارة الليزر العالية بيسبب تدميرها نهائيا ، من غير ما نستنى الدوا يوصل للطبقات الجلدية تحت الظفر
• بدون ألم و لا أي إزعاج : لإنك مش هتحسي بأي حاجة خلال جلسة علاج فطريات الأظافر بالليزر
• الإجراء بسيط وسريع:الجلسة الواحدة مدتها قصيرة بين 5 و 15 دقيقة ، و غالبا المريض مش بيبحتاج أي نوع من الأدوية مع الجلسات.
• نتايج سريعة : غالبا المريض بيلاحظ التحسن بعد الجلسات الأولى ، و كمان بيلاحظ تحسن شكلل و لون الضافر نفسه
• بدون أي آثار جانبية : لإن الليزر آمن جدا مش بيسبب أي ضرر ولا آثار جانبية
• وقت تعافي سريع: خلال أسبوعين ، بيبدأ المريض يلاحظ تحسن كبير ، و ممكن إختفاء تام للفطريات ، دا غير إن الليزر بيقلل من تورم الأنسجة بتاعت الأظافر و الجلد حواليها نتيجة التهابها بسبب العدوى الفطرية .

بعد جلسات علاج فطريات الأظافر بالليزر، تقدري ترجعي لحياتك بشكل طبيعي ، لكن في خطوات كتيرة مهم إننا نتبعها عشان نوصل للنتايج المطلوبة :

1. ارتداء أحذية جديدة، والتخلص من الأحذية القديمة.
2. الإهتمام بنظافة الجوارب و غسلها كويس ، عشان أمنع إعادة العدوى مرة تانية
3. الحفاظ على نظافة القدم واليدين وجفافهما.
4. تجنب البيئات الرطبة والمبللة، مثل: الحمامات العامة، وحمامات السباحة، وغرف تبديل الملابس.
5. عدم استخدام طلاء الأظافر أو الأظافر الاصطناعية.

خدمات الليزر

6.الكيو سويتشد ليزر لإزالة التاتو :

إزالة التاتو من الجلد عملية صعبة و معقدة ، نتيجة وصول الصبغات والأحبار لطبقات الجلد المختلفة

في طرق كتيرة متبعة لإزالة التاتو منها الجراحات و سنفرة الجلد و التقشير الكيميائي ، بس كل الإجراءات دي بتاخد وقت ـ دا غير إنها ممكن تسبب وجود ندبات مكان التاتو بعد كدا .

الإزالة الآمنة للتاتو معادتش حلم مستحيل ، و دا بفضل ليزر الكيوسويتشد (Q-Switched laser) .

النوع دا من الليزر بيساعد على تفتيت الصبغات و الأحبار اللي في التاتو لأحجام صغيرة ، بحيث الجسم يقدر يتعامل معاها و يتخلص منها من خلال الجهاز المناعي للجسم .

في عوامل كتيرة بتحدد عدد الجلسات المطلوبة عشان نعمل إزالة تامة للتاتو بليزر الكيو سويتشد منها :

• درجة لون التاتو
• لون الجلد نفسه
• الألوان المستخدمة للتاتو : كل ما كانت الألوان مختلطة على بعض احتاجت عدد جلسات أكبر
• تاريخ التاتو : كل ما كان تاريخ عمل التاتو قديم ، كان أسهل إننا نشيله بالليزر.
• حجم التاتو ، كل ما كان الحجم أصغر كان عدد الجلسات أقل .
• مكان التاتو
• كثافة ألوان التاتو : كل ما زادت احتاجت عدد جلسات أكبر .

مركز Skin Way بيوفر جلسات إزالة التاو بليزر الـ(Q-Switched ) و بينصحك بعدة خطوات للإلتزام بيها قبل الجلسات و بعدها :

• ممنوع عمل الجلسات في حالا الحمل و الرضاعة .
• لو بتعاني من أمراض فطرية أ, جلدية عموما ، لازم نستنى شفاءها التام قبل ما نبدأ بالجلسات .
• لو بتفكري في الحمل ، ف لازم توقفي جلسات ليزر الـ ( Q-switched ) قبلها بـ6 شهور على الأقل.
• بعد الجلسات، متتعرضيش للشمس ، و اهتمي بوضع الواقي الشمسي بانتظام على مكان الإزالة بالليزر.