1.حقن الميزوثيرابي للبشرة :
الميزوثيرابي هو تقنية علاجية بتساعد على إعادة الحيوية والشباب للجلد ويديه مظهر ناعم و مشرق .
نتايج الميزوثيرابي بتتم عن طريق حقن الجلد بشكل متكرر بجرعات محسوبة بدقة جداً من محاليل خاصة، مليانة فيتامينات ومستخلصات نباتية طبيعية وإنزيمات وهرمونات وحمض الهيالورونيك ومضادات الأكسدة وغيرها، إلى الطبقة الوسطى من الجلد بشكل موضعي في المنطقة اللي عايزين نعالجها مباشرة.
المواد الموجودة في حقن الميزوثيرابي بتغذي الجلد و تحفز الإفراز الطبيعي للكولاجين والإيلاستين؛و دا بيساعد على مقاومة ظهور التجاعيد وعلامات التقدم في السن، و يرجع للبشرة نعومتها ونضارتها وإشراقتها الساحرة.
فوايد حقن الميزوثيرابي للوجه :
- تغذية الوجه بالفيتامينات بتركيزات عالية بتالي بحافظ على نضارته .
- بيحل مشاكل كتيرة في البشرة : زي توحيد لون البشرة و إزالة التجاعيد و الخطوط الدقيقة و زيادة نعومة البشرة.
2.حقن الميزوثيرابي للشعر:
بعد التخدير الموضعي لفروة الراس ، بيتم حقن الميزوثيرابي اللي السائل بتاعه بيتكون من مجموعة متنوعة من المكونات اللي بتساعد على إعادة نمو الشعر وتقويته ، بيتم ترتيب نسب مكونات الميزوثيرابي حسب احتياج كل حالة عشان نوصل لأفضل نتيجة .
مهم نعرف إن الميزوثيرابي مش بينفع للأسف مع حالات الصلع التام و لا حالات تلف بصيلات الشعر ، و إنما بينفع مع حالات تانية كتيرة منها :
- تساقط الشعر الخفيف نتيجة سوء التغذية أو نقص الفيتامينات.
- مشاكل الشعر نتيجة مشاكل في الهرمونات زي أمراض الغدة الدرقية .
- مشاكل الشعر نتيجة ضعف الدورة الدموية في فروة الرأس.
- تقصف الشعر وجفافه المستمر.
- ضعف بصيلات الشعر وسهولة تساقطه مع التسريح.
- علاج مرض الثعلبة اللي بيسبب تساقط الشعر.
- علاج قشرة فروة الرأس.
- تبطيء تقدم الصلع وانتشاره.
3.حقن الميزوثيرابي لإذابة الدهون الموضعية :
فكرة حقن الميزوثيرابي لإذابة الدهون الموضعية بتركز بشكل رئيسي على استخدام مادة قوية بحيث تدوب الأنسجة الدهنية المتراكمة تحت الجلد خصوصا الدهون الصعبة زي دهون البطن و الأجناب و الأرداف ، اللي بنواجه مشكلة في التخلص منها حتى بالتمارين الرياضية.
في الميزوثيرابي بيتم استخدام ابر دقيقة مخصصة للحقن تحت الجلد عشان نركز المواد الفعالة في الأنسجة الدهنية المبطنة لطبقات البشرة ، وبعد تدويب الدهون دي ، بيبدأ الجسم يتخلص منها بشكل طبيعي.
على حسب الفحص الطبي ، فبعض الحالات بتحتاج أكتر من جلسة عشان توصلي للنتيجة المطلوبة
ممكن يتم استخدام حقن الميزوثيرابي عشان أذيب دون الرهبة و الوجه و أي دهون غير مرغوب فيها .
