حقن الخلايا الجذعية للبشرة و الشعر :
يعني إيه خلايا جذعية ؟
الخلايا الجذعية (Stem cell) هي خلايا بتتميز بقدرتها العالية جدا على الانقسام و التحول لأنواع مختلفة من الخلايا على حسب المكان اللي بتتزرع فيه.
مميزات الخلايا الجذعية عن غيرها من باقي أنواع الخلايا :
- تقدر تجدد نفسها بنفسها ، و تتطور لأنواع خلايا مختلفة
- ممكن تتزرع برا الجسم في المعامل على شكل أنسجة ، أيا كان نوعها .
- حقن الخلايا الجذعية للبشرة :
تعتبر واحدة من تقنيات حقن الدهون المختلفة ، و في منها أنواع كتيرة منها :
- حقن الخلايا الجذعية للوجه من خلال الخلايا الدهنية.
- حقن الخلايا الجذعية فائقة القوة.
- حقن الخلايا الجذعية من خلال البلازما الغنية بالبروتينات.
أهم فوايد حقن الخلايا الجذعية للوجه :
- نتايجها مضمونة و بتدوم لفترات طويلة.
- بتزود البشرة بخلايا جديدة تزود من إفراز الكولاجين.
- تزود تجديد خلايا بشرة الوجه
- تزود نضارة الوجه و إشراقه .
- بتعالج التجاعيد البسيطة
- بتعالج تهدل الجفون.
- بتعالج الهالات السوداء.
- بتعالج آثار الندوب والجروح.
- حقن الخلايا الجذعية للشعر:
لو بتعاني من تساقط الشعر ، و ظهور فراغات في الرأس و تعبتي و مش لاقية حل للمشكلة دي ، يبقى حلك في حقن الخلايا الجذعية ، و دا لإن الخلايا دي بتتميز إنها شديدة الإنقسام و التحول لخلايا جديدة في فروة الراس ، و دا بيزود من عدد الشعرات و قوتها و سمكها ، بالتالي يديكي مظهر صحي و لامع أكتر ، دا غير إنه هيتخلصلك من الفراغات اللي في فروة الراس.
مميزات حقن الخلايا الجذعية للشعر :
- غنية بهرمونات النمو اللي بتساعد على عودة بصيلات الشعر التالفة للانقسام والنمو.
- بتحسن من ملمس الشعر وتزيد من قوته ونعومته.
- تعتبر علاج نهائي لمشكلة تساقط الشعر.
- ملهاش آثار جانبية تقريبا، وآمنة على شعرك، وده لأنها تعتمد على حقن مواد وخلايا موجودة فعلا في جسمك!
- نتائجها سريعة
- الجلسة غير مؤلمة ، و مش هتحتاجي تخدير.