الكي بالتبريد :
واحد من أهم الوسائل العلاجية لبعض الأمراض الجلدية، بيتم خلاله رش الجلد بسائل النيتروجين اللي بتصل حرارته لـ 196 درجة تحت الصفر عشان يعالج بعض الأمراض الجلدية زي:
- الثآليل
- السنط
- الزوائد الجلدية.
بيتم استخدام غاز النيتروجين السائل في التبريد عن طريق :
- قطعة صغيرة من القطن زي اللي بتستخدم للأذن
- جهاز خاص لتوجيه الغاز على المنطقة اللي محتاجين نعالجها .
من أهم مميزات الكي بالتبريد :
- ما بتحتاجش تخدير موضعي
- مبيحصلش معاه نزيف
- ممكن نستخدمه لتجميد جزء عميق جداً كافي لعلاج بعض أورام الجلد الخبيثة
من أهم الحالات اللي بيعالجها الكي بالتبريد :
- السنط سواء كان الجلدى أو التناسلى.
- الزوائد الجلدية
- التليفات والندبات الكبيرة.
- الوحمات الدموية الصغيرة .
- بعض أنواع النمش .
- الإصابات الجلدية القابلة للتحول السرطاني