تساقط الشعر:

 الشعر الصحي دليل على صحتك و اهتمامك بنفسك ، دا غير إحساسك الدايم بالجمال و الكمال ،

و لكن بمرور السنين ، ظهرت أنواع جديدة من التغييرات سواء في نوعية الأكل أو الملوثات الموجودة في الهوا حوالينا ، واللي مع الوقت سببت ظهور مشكلة كبيرة زي تساقط الشعر .

الحقيقة إن مش كل تساقط للشعر بنعتبره مرض ، و دا لإن الإنسان في المتوسط بيفقد من 80-100 شعرة في اليوم ، و لكن لو الكمية زادت ، أو بدأ ظهور أجزاء من فروة الراس بدون شعر، يبقى كدا إنتي محتاجة تدخل طبي .

️ أسباب تساقط الشعر كتيرة بس أهمها:

1. العامل الوراثي : و دا بيساهم بأكبر نسبة من حالات تساقط الشعر
2. التغييرات الهرمونية : زي الحمل و الرضاعة ، ممكن يخلوا شعرك خفيف و يتساقط بشكل أكبر
3. بعض الأدوية : زي الأدوية المضادة للسرطان أو بعض أدوية القلب
4. التوتر
5. سوء التغذية : لإن الشعر مش هيوصلله كمية كافية من المغذيات اللي بيحتاجها ، بالتالي كل شعرة هتقع مش هيطلع مكانها شعر جديد .

 عشان تحمي نفسك من تساقط الشعر ، لازم الأول تعرف سببه و دا لإن حالات تساقط الشعر اللي سببها وراثي للأسف ملهاش علاج

أما الحالات التانية ممكن أتجنبها عن طريق :

1. التغذية السليمة و شرب الماء الكافي
2. الإبتعاد عن التدخين
3. تسريح الشعر بلطف ، و بدون شد

 أما لو بتعاني بالفعل من مشكلة تساقط الشعر ، فمركز Skin Way بيوفر طرق علاج مختلفة زي :

• متابعة مع طبيب جلدية مختص لعمل الخطة العلاجية الأنسب
• جلسات البلازما بكل أنواعها .
• جلسات حقن الميزوثيرابي لعلاج تساقط الشعر
• جلسات حقن الخلايا الجذعية
• جلسات الحقن الموضعي للشعر لو كان التساقط سببه مناعي زي مرض الثعلبة و مرض الحزاز
• زراعة الشعر في الحالات المتقدمة من تساقط الشعر الوراثي

الصدفية :

 الصدفية واحد من أكتر الأمراض الجلدية المزعجة اللي ممكن تصيب الإنسان ، و دا لإنها للأسف مرض مزمن ملوش علاج و لكن بيعتمد بشكل أساسي على تخفيف حدة الأعراض و علاج القشور المتكونة .

لحد دلوقتي مفيش سبب معين للصدفية ،و لكن الدكاترة ظنهم إنها في الأساس مرض مناعي بيسبب زيادة إنتاج خلايا الجلد بشكل مفرط ، لحد ما تبدأ تكون قشور جافة مثيرة للحكة أو الهرش على سطح الجلد .

أشكال القشور و أماكنها في الجسم متنوع ، يعني الصدفية غالبا بتظهر على :

• الكوع و الركبتين
• فروة الرأس
• الجبهة
• الأظافر
• ثنيات الجسم .

هدف العلاج الأول هو تخفيف حدة الأعراض ، و منع الإنقسام السريع لخلايا الجلد ، بالتالي يبقى في سيطرة أكبر على كمية القشور اللي بتظهر .

في مركز Skin Way بننصحك بزيارتنا و المتابعة مع فريقنا أطباء الجلدية اللي هيساعدوك بكل إحترافية إنك تقلل من الأعراض المزعجة للصدفية و اختيار الخطة العلاجية الأنسب ليك من :

• الكريمات المخصصة
• العلاج الضوئي
• الأدوية المخصصة

البهاق :

 البهاق هو تغيير في لون الجلد للون أبيض حليبي نتيجة عدم إفراز خلايا الجلد لصبغة الميلانين ، و هو غالبا بيصيب الإنسان قبل سن الـ30 ،و بيبان أكتر على أصحاب البشرة القمحية أو البنية .

البهاق ممكن يصيب أجزاء مختلفة من الجسم زي الشعر و الجلد و الأغشية المخاطية ، دا غير إنه ممكن يصيب الجسم كله مرة واحدة و يحصل فقد تام في صبغة الميلانين من الجسم كله .

الأسباب اللي ممكن تخلي الخلايا المنتجة لصبغة الميلانين تموت أو توقف إفراز صبغة الميلانين مش معروفة، و لكن الأطباء رجحوا إنها بسبب :

1. أمراض مناعة ذاتية : يعني خلايا الجسم هاجمت خلايا الميلانين و موتتها
2. العامل الوراثي
3. التعرض لصدمة أو ملامسة كيماويات ضارة

للأسف مفيش علاج نهائي للبهاق ، و لكن العلاجات الموجودة بتساعد على :

• إستعادة بعض من صبغة الميلانين
• تقليل حدة إنتشار البهاق

خطة العلاج الأنسب ليك بيحددها طبيب الجلدية المختص إعتمادً على حاجات كتيرة زي:

• العمر
• حجم البقع
• سرعة انتشار المرض
• مكان الإصابة .

من الضروري جدا كمريض بالبهاق إنك تلتزم بتعليمات الدكتور زي :

• المحافظة على عدم تعريض جلدك لضوء الشمس المباشر ؛ لإنك أكتر عرضة للإصابة بحروق الشمس
• استخدام واقي شمس مناسب
• الإلتزام بالخطة العلاجية المناسبة ليك.

الإكزيما :

الإكزيما عبارة عن إلتهاب مزمن في الجلد نتيجة فقدانه للقدرة على الإحتفاظ بالرطوبة الداخلية الموجودة فيه ، و غالبا بتظهر بعد أعراض تدل على وجود أنواع تانية من الحساسية زي : الربو و حساسية الأنف .

إلتهابات الإكزيما غالبا بتظهر على الوجه و الأطراف ( الإيدين و الرجلين) ، لكنها ممكن تظهر كمان في أي مكان من الجسم .

أسباب الإكزيما متعددة منها :

1. تغيير جيني : يسبب ضعف في وظيفة الحاجز الجلدي و بالتالي بيخليه عاجز عن الإحتفاظ بالرطوبة الداخلية ، دا غير ضعف الحماية من البكتيريا و الملوثات الخارجية اللي ممكن تسبب الإكزيما.
2. عدوى بكتيرية تصيب الجلد و تموت البكتيريا النافعة الطبيعية الموجودة على الجلد و بالتالي تسبب إلتهاب الجلد.
3. إستجابة مناعية نتيجة ضعف الحاجز الجلدي تسبب الإلتهاب .

أعراض الإكزيما غالبا بتكون :

• جفاف الجلد و تشققه
• الحكة أو الهرش
• طفح جلدي
• تورم الجلد
• تقرح الجلد
• زيادة سمك الجلد

الوقاية من الإصابة بالإكزيما للأسف شبه مستحيل ، و لكن ممكن تقلل من الهجمات و جفاف الجلد و الحكة عن طريق :

1. ترطيب البشرة على الأقل مرتين يوميا ، و ينصح بمرطب بدون روائح أو كيمياويات كتيرة .
2. الإستحمام بمية فاترة و البعد عن المية السخنة لإنها بتزود من إلتهاب الجلد و تهيجه.
3. تجفيف البشرة برفق بعد الإستحمام .
4. تجنب استخدام أي حاجة بتسبب تهيج أو التهاب للجلد زي : الأصواف الخشنة و العطور و المنظفات و المواد الكيميائية المهيجة .
5. عدم حك أو هرش الجلد ، ممكن لو جلدك ملتهب أو مثير للحكة إننا نضغط على الجلد أو نحاول نطبطب عليه
6. لبس ملابس باردة و واسعة و ناعمة على الجلد عشان أسمحله بالتهوية .
7. تقليل التوتر و الإجهاد ، لإنهم ممكن يزودوا من إلتهاب الجلد .

علاج الإكزيما التركيز أكتر حاجة بيكون على علاج الأعراض ، و منع زيادتها.

مركز Skin Way بينصحك بمراجعة فريقه من أطباء الجلدية المتخصصين عشان يصمموا لك الخطة العلاجية الأمثل سواء جلسات أو كريمات أو أدوية مضادة للحكة و الحساسية

الأرتيكاريا :

 لو بتعاني من حساسية جلدية و التهابات في ايديكي بعد غسل المواعين أو استخدام المنظفات ، فممكن يكون عندك أرتيكاريا!

الأرتيكاريا هي شكل من أشكال الحساسية بيصيب الجلد نتيجة تعرضه لبعض مسببات الحساسية أو التهاب الجلد زي :

• المنظفات و المساحيق
• أشعة الشمس
• مادة اللاتكس الموجودة في الجوانتي الطبي
• لدغات الحشرات
• بعض الأطعمة زي : السمك و المكسرات

كل الحاجات دي بتسبب إن جهازك المناعي يفرز مادة الهيستامين المسؤولة عن أعراض الأرتيكاريا .

شكل و حجم و لون نوبات الأرتيكاريا بيكون مختلف من شخص للتاني و لكن الأعراض المشتركة بينهم بتكون :

• بقع ملتهبة و محمرة و بارزة عن سطح الجلد
• تهيج في الجلد
• حكة قوية مع وجود ألم
• تورم في الجلد في منطقة الوجه عند بعض الحالات

تشخيص الأرتيكاريا محتاج طبيب جلدية متخصص ، يفحص شكل الإلتهاب و ممكن يسألك على نمط حياتك و المواد الكيميائية اللي ممكن تكون بتسببها .

لو تم تشخيصك بالفعل من الأرتيكاريا ، ف انت ممكن تقلل من نوباتها عن طريق :

1. الإلتزام بالخطة العلاجية و الأدوية الموصوفة من طبيب الجلدية
2. تجنب استخدام أي كيماويات تسبب تهيج الجلد إلا للضرورة
3. تغطية الفم و اليدين بالجوانتي أثناء استخدام المنظفات المركزة
4. استخدام الكمادات الباردة على الأماكن الملتهبة عشان تقلل من الإلتهاب و الرغبة في الحكة أو الهرش
5. استخدام واقي شمسي مناسب لحماية الجلد من أشعة الشمس اللي ممكن تسبب تهيج للجلد .

علاج الأرتيكاريا بيبدأ بتجنب أسبابها المختلفة وصولا إلى الأدوية سواء الكريمات أو غيرها ، عشان كدا مركز Skin Way بينصحك بزيارة فريقه الطبي المتخصص في علاج الأمراض الجلدية .

1. الهربس :

العدوى الفيروسية اللي ممكن تصيب الجلد كتيرة و منتشرة و متنوعة جدا سواء في الشكل أو الحجم أو نوع الفيروس اللي بيسببها ،بعضها ممكن يكون بسيط على قد شوية إلتهاب أو إحمرار و البعض ممكن يسببلك أعراض أخطر و يهدد حياتك .

هنا هنستعرض أشهر 3 أمراض فيروسية ممكن تصيب الجلد و أعراضها و ازاي نحمي نفسنا منها .

1. الهربس :

هو عيلة من الفيروسات بتصيب الجلد في أماكن مختلفة على حسب فصيلتها :

1. HSV-1 و الفصيلة دي بتبقى معدية و بتنتشر عن طريق التلامس الجسدي البسيط ، و بتظهر أكتر حاجة حول الفم على شكل قرح مؤلمة جدا و حرارة ، و إجهاد شديد ،
2. HSV-2 و الفصيلة دي بتنتشر عن طريق الإتصال الجنسي و بيسبب ظهور قرح مؤلمة جدا على الأعضاء الجنسية و حولها ، دا غير إنه معدي جدا

 فيروس الهربس بشكل عام معدي جدا ، و بمجرد إنه جالك دا معناه إنه هيفضل موجود عندك و يستخبى في العقد العصبية حول المنطقة المصابة ، و يظهر على شكل نوبات في أي فرصة تسبب إجهاد على الجسم زي :

• التوتر
• أدوار البرد و تغيير الفصول
• فترة الدورة الشهرية للإناث

بس ممكن يفضل خامل لسنوات طويلة لدرجة إن ممكن الشخص المصاب ميعرفش أصلا إنه مصاب بيه لفترة طويلة

للأسف مفيش علاج نهائي للهربس ، و النوبات بتاعته بتختفي بعد أسبوعين ،بس نقدر إننا نقلل من إنتشاره عن طريق :

• منع تقبيل الأطفال الصغيرة ، عشان أمنع إن العدوى تنتشر ليهم ، خصوصا الرضع ، لإن إصابات الهربس للأطفال الرضع ممكن تكون مميتة
• استخدام الواقي الذكري لمنع انتشاره لشريكك
• الإلتزام بالأدوية أول ما تحس بتنميل مكان القرح و البثور المعتاد عشان تمنع ظهورها
• لو القرح ظهرت بالفعل ، فالإلتزام بالأدوية الموصوفة مهم جدا ، عشان يقلل من حدة الأعراض و مدة ظهورها .

2.الجدري المائي و الحزام الناري

الحقيقة إن المرضين دول وجهين لعملة واحدة بيجمعهم إن الفيروس اللي بيسببهم فيروس الحماق النطاقي ( Varicella zoster Virus ) ، بس طبعا في فروقات بسيطة بينهم زي :

1. السن في وقت الإصابة
2. توزيع الحبوب في الجسم
3. سبب الإصابة : الجدري المائي غالبا بيكون عدوى مدرسية بين الأطفال ، في حين إن الحزام الناري بيكون إعادة تنشيط لفيروس الهربس الخامل الموجود في الجسم بالفعل و كان مسبب إصابة بالجدري المائي قبل كدا .

الحبوب بتاعت الجدري المائي و الحزام الناري بتمر بـ3 مراحل في ظهورها :

• فقاعات وردية أو حمراء
• حبوب مليانة بكميات من السائل ، بتنفجر بعد يوم من تكوينها و السائل بيخرج منها
• قشرة مكان الحبوب بعد خروج السائل

أعراض المرضين دي متشابهة و بتشترك في إن المصاب بيحس بـ :

• حرارة و إجهاد
• فقدان للشهية
• صداع شديد
• حبوب مؤلمة و مثيرة للحكة أو الهرش جدا

 عشان تحمي نفسك و أطفالك من خطر الإصابة بالمرض لازم :

1. تتأكد إن مدرسة أطفالك مفيهاش حالات مصابة بالجدري المائي
2. لو طفلك مصاب لازم يقعد من المدرسة ، و لو عنده أخوات لازم تفصله في غرفة عنهم عشان تمنع العدوى .

أما لو الإصابة لا قدر الله حصلت بالفعل ، فلازم تلتزم بالتعليمات دي :

1. زيارة طبيب الجلدية لوضع أنسب خطة علاجية
2. الإلتزام بالأدوية الموصوفة
3. الراحة التامة لمدة أسبوعين على الأقل
4. الإهتمام بالتغذية السليمة و البعد عن الأطعمة الحارة
5. عزل الشخص المصاب
6. قص الأظافر لمنع الحكة و جرح المكان المصاب
7. استخدام لوشن ملطف زي الكالامين على الحبوب لتهدئة الإحساس بالحكة

3. السنط أو عين السمكة

لو بتعاني من بروز مؤلم في باطن القدم فيه نقطة سودا في النص ، ف غالبا أنت مصاب بعين السمكة ،

السنط أو عين السمكة عبارة عن عدوى فيروسية سببها فيروس الورم الحليمي البشري (Human Papilloma Virus) (HPV) و هو مُعدي للطبقات الخارجية في الجلد و ينتقل من شخص لشخص نتيجة حاجات كتيرة زي :

• استخدام الحمامات الجماعية أو حمامات السباحة
• ملامسة الأسطح و الأرضيات الملوثة بالفيروس
• حك أو هرش الحبوب، بيزيد من انتشارها في مناطق تانية من الجلد

لو أهملت في علاج عين السمكة ، فللأسف هي ممكن تستمر في الظهور المؤلم لسنوات قبل ما تبدأ تختفي و تروح لوحدها .

عشان كدا، مركز Skin Way بينصحك أول ما تظهر أي حبوب مؤلمة في باطن الرجل أو أي أجزاء أخرى من الجسم بسرعة مراجعة فريقهم الطبي في المركز اللي هيساعدك في التخلص من عين السمكة عن طريق :

• الكشف الطبي و وضع الخطة العلاجية
• جلسات الكي البارد
• جلسات الكي الحراري .
• الكي بالليزر .
• العلاجات المناعية .

1.الإلتهاب الخلوي

الإلتهاب الخلوي على عكس التوقعات عبارة عن عدوى من البكتيريا النافعة اللي على سطح الجلد للطبقات العميقة من الجلد ، بتكون مؤلمة و بتسبب إحمرار و تورم للمكان المصاب .

غالبا البكتيريا المسببة للإلتهاب الخلوي بتعدي الشخص اللي عنده تشققات أو جروح أو أي فتحة في الجلد بحيث تقدر تدخل و تهاجم الخلايا و الأنسجة .

أكتر أماكن بيظهر فيها عدوى الإلتهاب الخلوي هي الرجلين و أصابع الإيد، و أعراضه بتكون:

• احمرار و تورم و ألم في المنطقة المصابة
• الشعور بحرارة في المنطقة المصابة
• ارتفاع في درجة حرارة الجسم

ممكن تحمي نفسك بخطوات بسيطة زي :

• فحص الأصابع و القدمين بصورة يومية و التأكد من عدم وجود أي جروح أو تشققات ، خصوصا لو انت مريض سكر
• ترطيب الجلد بانتظام
• قص الأظافر برعاية كبيرة ، و تخلي بالك من إنك متجرحش الجلد حوالين الضوافر

لو لا قدر الله حصلك إصابة بالإلتهاب الخلوي فمركز Skin Way بيقولك إنك لازم :

• تزور طبيب الجلدية لوصف الأدوية و المضادات الحيوية اللازمة لعلاج العدوى
• تغسل المنطقة المصابة بالماء الفاتر و الصابون و الإهتمام بنظافتها
• تغطية الجرح و تطهيره
• مراقبة الجرح و مكان الإصابة ، و في حال ظهور أي أعراض أخرى زي الصديد أو الألم ، راجع طبيب الجلدية فورا .

2. القوباء

القوباء واحد من أكتر الأمراض الجلدية المعدية شديدة الإنتشار في عمر المدارس و الحضانة ، نتيجة الإصابة بعدوى بكتيرية وصلت لخدوش أو جروح على سطح الجلد خصوصا حوالين الفم .

العدوى البكتيرية دي معدية جدا ، و ممكن تنتقل من الشخص المصاب ، أو من أدواته زي الملابس و السرير و الأدوات الشخصية

شكل العدوى بيبدأ كتقرحات مليانة سائل حول الفم و بتبدأ بعد كدا تنفجر و تعمل قشرة بلون العسل .

عشان تحمي طفلك من إنه يتعدي بالقوباء فلازم :

• المحافظة على نظافة الجلد باستمرار
• مراقبة أي خدوش أو جروح و تطهيرها باستمرار

أما لو طفلك لا قدر الله مصاب بالقوباء فمركز Skin Way بينصحك إنك:

• تتابعي مع طبيب جلدية لوصف المضادات الحيوية و الكريمات اللازمة
• متوديش طفلك الحضانة أو المدرسة لحين الشفاء التام لمنع العدوى
• غسل ملابس و ملايات السرير الخاصة بطفلك لوحدها و الإهتمام بنظافتها و تعقيمها
• الاهتمام بنظافة المنطقة المصابة و تعقيمها باستمرار .

1. قدم الرياضي

في بيئتنا ملايين من الفطريات في كل مكان ، مش كلهم مؤذي للإنسان، و لكن بعضهم ممكن يسببلك إصابات في أنحاء مختلفة من الجسم أبرزها الجلد .

هنستعرض هنا أبرز 3 إصابات بعدوى فطرية ممكن تيجي للفرد.

1. قدم الرياضي

و هي عدوى فطرية بتصيب 1 من 4 أفراد على مستوى العالم ، الفطريات المسببة ليها بتعيش و تتغذى على الجلد الميت الموجود في القدم ، خاصة بين أصابع القدم ، لإنها بتحب الرطوبة و الدفا و الضلمة .

غالبا قدم الرياضي بتيجي نتيجة عادات سيئة زي :

• لبس الأحذية الجلدية الضيقة
• لبس الجلود المصنعة الرديئة
• قلة الاهتمام بنظافة الجوارب و الأحذية
• لبس الأحذية و التعرق فيها لفترات طويلة
• لبس أحذية شخص آخر مصاب أو مشاركة أدواته زي الشراب أو السجادة أو حتى الملابس

أعراض القدم الرياضي كتيرة منها :

• الشعر بالحكة أو الهرش عند خلع الحذاء
• تشقق الجلد و تقشره خصوصا بين أصابع القدم
• إلتهاب الجلد و احمراره حول منطقة الإصابة

عشان تحمي نفسك من العدوى دي يبقى لازم إنك تبدأ الخطوات دي :

• تهوية القدمين قدر الإستطاعة
• لبس أحذية مريحة و اختيار نوع جلد جيد
• غسل القدمين يوميا
• تبديل الشراب يوميا على الأقل مرة
• عدم ارتداء نفس الحذاء مرتين متتاليتين

أما لو انت مصاب بالفعل بالقدم الرياضي ، فمركز Skin Way بينصحك بمراجعة فريقه الطبي عشان :

• نضمن التشخيص الطبي الصحيح و الخطة العلاجية المناسبة
• التزم بتعليمات الطبيب
• متشاركش أي متعلقات شخصية خاصة بيك مع أفراد أسرتك لمنع انتشار العدوى

2. التينيا

واحد من أشهر الأمراض الفطرية و أكثرها انتشارا على مستوى العالم ، بتصيب تقريبا كل أعضاء الجسم زي :

1. الرقبة و الجذع
2. الشعر
3. الأظافر
4. الأعضاء التناسلية
5. القدم ( قدم الرياضي )

شكل التينيا بيختلف حسب المكان المصاب ، و لكنها على الجلد بتظهر على هيئة بقع فاتحة لونها أبيض أو رمادي ، و ساعات ممكن تكون أغمق من لون الجلد ،و أسبابها كتيرة منها :

• التعرض للحرارة و الرطوبة لفترات طويلة خصوصا في الصيف
• ضعف الجهاز المناعي
• البشرة الدهنية

لو ظهرت عليك أعراض تينيا الجلد ، بننصحك بالتوجه لفريقنا الطبي في مركز Skin Way عشان

1. نصمم خطة علاجية مناسبة ليك
2. وصف الأدوية اللازمة للعلاج و للوقاية لمنع تكرار الإصابة في فصل الصيف

3.عدوى الخميرة المهبلية

هي عدوى فطرية منتشرة جدا بتصيب 3 من كل 4 سيدات على مستوى العالم ، و هي مش بتعتبر عدوى جنسية .

أعراض الإصابة مهم جدا إنك تعرفيها عشان تعالجيها و هي :

• هرش شديد وتهيج في المهبل
• حرقان في البول أو أثناء ممارسة العلاقة الزوجية
• إفرازات مهبلية بيضا و تقيلة و متقطعة شبيهة بالجبنة القريش بدون رائحة
• إلتهابات مهبلية

و عشان تحمي نفسك من الإصابة بعدوى الخميرة المهبلية ف دي حاجات لازم تبعدي عنها :

1. ابعدي عن لبس الملابس الضيقة لفترات طويلة
2. ابعدي عن استخداب الغسول المهبلي بصفة دائمة ، لإنه بيقتل البكتيريا النافعة اللي بتحميكي من الإصابة
3. ابعدي عن الاستخدام الغير ضروري للمضادات الحيوية

الزوائد الجلدية

لو ظهر على سطح جلدك كتلة جلدية غير مؤلمة و بارزة ، فأهم حاجة إنك متحسيش بالقلق الشديد لإنها غالبا بتكون زوائد جلدية

الزوائد الجلدية عبارة عن قطع لحمية بأحجام مختلفة مكونة من خلايا دهنية و عصبية و الألياف تنمو ببروز على سطح الجلد ،معظم الأطباء بيصنفوها على إنها ورم حميد و مبتسببش قلق لمعظم المصابين بيها .

أسباب الزوائد الجلدية غالبا مرتبطة بعدة عوامل زي :

1. السن : مع التقدم في السن بتزيد فرص تكوين الزوائد الجلدية أكتر و أكتر
2. السمنة و الوزن الزايد : و دا عشان الجلد بيبدأ يكون ثنيات كتيرة بتزود من فرص الإصابة بالزوائد الجلدية
3. العوامل الوراثية : و هي بتمثل السبب المسؤول عن حوالي نصف عدد الإصابات بالزوائد الجلدية

غالبا الأشخاص اللي عندهم زوائد جلدية بيبدأوا يزوروا طبيب الجلدية في حال رغبتهم في إزالة الزوائد الجلدية ،
بس مركز Skin Way بيقولك إن في علامات خطيرة لو ظهرت على الزوائد الجلدية يبقى لازم تروح للدكتور

العلامات دي هي :

1. زيادة حجم الزوائد الجلدية و انتشارها في الجسم
2. لو بدأت تطلع دم أو أي سوائل أخرى
3. تغيير في لون الزوائد الجلدية
4. ظهور الزوائد الجلدية على المناطق التناسلية

التخلص من الزوائد الجلدية في مركز Skin Way بيكون سهل و دا عن بفضل :

1. آليات الكي البارد باستخدام النيتروجين السائل
2. الكي الحراري