السيلان :
أمراض الأعضاء التناسلية واحدة من أهم الأسباب لتدهور الحياة الجنسية للرجل و المرأة ،دا لإنها في الأول بتسبب ألم لصاحبها سواء جسدي أو نفسي ، لكنها كمان بتقلل من ثقته في نفسه إنه يسعد الطرف الآخر .
غالبية الأمراض التناسلية بتكون منقولة جنسيا ، أو عدوى بكتيرية أو فيروسية أو فطرية .
السيلان واحد من أشهر الأمراض التناسلية اللي بتسببه البكتيريا اللي بتهاجم الجهاز التناسلي للرجل و المرأة ، غالبا في بداية الإصابة بتكون من غير أعراض ، و لكن ممكن تظهر أعراض زي :
- ألم عند التبول و حرقان شديد.
- ألم و التهاب في الأعضاء التناسلية .
- إفرازات صفراء من المهبل .
تشخيص السيلان بيبقى عن طريق أخد عينة بول أو مسحة ، و علاجها بيتم باستخدام المضادات الحيوية للشريكين حتى لو واحد منهم مش ظاهر عليه أي أعراض .
![](https://skinway.org/wp-content/webp-express/webp-images/uploads/2023/07/Gonococcal_urethritis_PHIL_4085_lores-1024x675.jpg.webp)
![](https://skinway.org/wp-content/webp-express/webp-images/uploads/2023/07/ezgif-1-5c591bce78.jpg.webp)
الهربس التناسلي:
عبارة عن عدوى فيروسية تنتقل عن طريق الممارسة الجنسية بين الشريكين ، تتميز بوجود بثور مؤلمة جدا عند العضو التناسلي و حوالين فتحة الشرج .
الهربس من الفيروسات المزمنة اللي ملهاش علاج نهائي ،بمجرد إصابتك بيها بتفضل مستخبية في العقد العصبية حول الأعضاء التناسلية و تنشط في حالات الضعف العام أو الإرهاق الجسدي ، و لكن ممكن مع المتابعة الجيدة و الإهتمام بالصحة نقلل من هجمات الفيروس و إعادة تنشيطه من مرحلة الخمول .
الكلاميديا :
الكلاميديا عدوى بكتيرية تنتقل بممارسة الجنس ،بتصيب الجهاز التناسلي للرجل و المرأة ، في الأول بتبقى بدون أعراض لكنها بعد كدا ممكن تظهر على هيئة :
- إفرازات مهبلية و نزيف عند النساء.
- إفرازات من القضيف و احمرار الفتحة و حرقان مع التبول عند الرجال .
بيتم علاجها عن طريق المضادات الحيوية المناسبة بالجرعة اللي الطبيب يحددها .
![](https://skinway.org/wp-content/webp-express/webp-images/uploads/2023/07/الكلاميديا.jpg.webp)
أمراض الذكورة و العقم :
الصحة الجنسية للرجل واحدة من أهم مفاتيح الحياة السعيدة ، عشان كدا من المهم علاج أي أمراض تسبب خلل في هرمونات الذكورة و السيطرة على الأمراض المزمنة اللي ممكن تقلل من الأداء الجنسي للرجل .
مركز Skin Way بيقدم قسم خاص لعلاج أمراض الذكورة و العقم لدى الرجال ، و بيهتم بعلاج أبرز الأمراض المسببة للعقم زي :
- دوالي الخصيتين : و دا بيحصل نتيجة تمدد الأوعية الدموية للخصية و بالتالي بيقلل من إمداد الدم لللخصية و بيسبب إنكماشها ، دا غير الخلل في هرمون الذكورة ( التستوستيرون) .
- قلة عدد الحيوانات المنوية و تشوهها : و دي أحد أكبر أسباب العقم عند الرجال ، لإن أي تشوه في شكل الحيوان المنوي بيضعف من حركته و قدرته على الإخصاب .
- التهابات البروستاتا : مهم جدا الكشف و تشخيص أسباب التهاب البروستاتا ، عشان نوصل لعلاج المشكلة نهائيا .
أسباب التهابات البروستاتا كتير و منها :
- العدوى البكتيرية .
- الإجهاد النفسي .
- إصابة في مكان البروستاتا .
- تلف في المسالك البولية .
من أشهر أمراض الذكورة اللي بتسبب إزعاج كبير للرجال :
- سرعة القذف : هي أبرز مشكلة بتسبب قلق للرجلي أثناء العلاقة الجنسية ، و هي عبارة عن قذف السائل المنوي للرجل بسرعة قبل وصول الطرف الآخر للنشوة .
أسباب سرعة القذف ممكن تكون :
- نفسية : نتيجة قلق من الأداء الجنسي أو التوتر أو مشاكل زوجية .
- عضوية : نتيجة خلل في الهرمونات أو عدوى في البروستاتا أو مشاكل في الإنتصاب .
من المهم جدا استشارة الطبيب ، و اللي هيساعدك في تشخيص سبب المشكلة و الوصول لخطوات العلاج النهائي .
- ضعف الإنتصاب : عدم قدرة القضيب على الإنتصاب الكامل أثناء العملية الجنسية ، بالتالي بيسبب زيادة القلق و التوتر على الرجل
أسباب ضعف الإنتصاب كتيرة منها :
- التسرب الوريدي .
- القلق و التوتر المستمر .
- الأمراض المزمنة زي الضغط و السكر و تصلب الشرايين .
- السمنة المفرطة.
من الضروري جدا الكشف و تشخيص الحالة و أسبابها بالشكل الصحيح عشان نوصل للعلاج الأفضل .
مركز Skin Way بيوفر عمليات تركيب دعامة القضيب لعلاج ضعف الإنتصاب .