الحقن التجميلي
1.حقن الفيلر:
الشباب الدائم ، و البشرة الخالية من العيوب و الندبات ،حلم ناس كتير مننا ممكن يوصلوله عن طريق الحقن التجميلي
الحقن التجميلي هو عملية حقن الجلد بمواد مختلفة ( بوتوكس، فيلر ، بلازما ،كولاجين ) عشان أحسن من البشرة أو أعالج عيوب أو ندبات فيها .
أنواع الحقن التجميلي كتيرة منها :
- حقن الفيلر
- حقن البوتوكس
- حقن الفيلر:
بيتم من خلاله حقن البشرة بغرض تعبئة الشقوق و التجاويف اللي في البشرة الناتجة عن التقدم في العمر بمواد معينة منها مواد دهنية و مواد تانية صناعية و حمض الهيالورونيك ، عشان يكون مظهر البشرة مشدود و ممتلئ.
أهم مميزات حقن الفيلر هي :
- نتائج فورية بعد الإنتهاء من الجلسة ، لكنها ممكن تختلف حسب المكان .
- اختفاء تام لكل التجاعيد و علامات التقدم في السن .
- بشرتك هتبقى مشدودة بشكل طبيعي ، و ثقتك بنفسك هتزيد .
- مدة الجلسة بسيطة جدا أقل من 30 دقيقة .
أهم الأماكن اللي بيتم فيها حقن الفيلر هي :
- الوجنتين و حول الفم
- الشفرات الخارجية للمهبل ، لزيادة امتلاءها و تقليل الإسمرار
- الشعر
- الشفايف : بتزود من حجمها و تشيل أي خطوط رفيعة فيها ، و دا بيديها مظهر شبابي و ممتلئ أكتر .
![](https://skinway.org/wp-content/webp-express/webp-images/uploads/2023/07/ezgif-5-8be85de87f.jpg.webp)
![](https://skinway.org/wp-content/webp-express/webp-images/uploads/2023/07/Botox-2.jpg.webp)
الحقن التجميلي
2.حقن البوتوكس :
حقن البوتوكس التجميلية بتتكون من تركيز ضئيل جدا و محسوب من سم بينتجه نوع معين من البكتيريا ، بيساعد على عمل شلل جزئي للنهايات العصبية المرتبطة بعضلات الوجه ، بالتالي ف العضلات دي مش بتتحرك ، و دا بيقلل من ظهور التجاعيد و لو هي موجودة بالفعل بيمنع زيادتها .
حقن البوتوكس آمنة جدا طالما اللي بيتعامل معاها طبيب جلدية مدرب و محترف .
ممكن يتم حقن البوتوكس في أماكن كتيرة من الجسم و لكن أبرزها :
- الجبهة و حول الفم
- حول العينين
- أماكن ظهور الخطوط الرفيعة للتخلص منها.
دا غير إن البوتوكس مش بس بيستخدم لمنع علامات التقدم في السن و لكن ليه استخدامات تانية كتيرة منها :
- علاج الإبتسامة اللثوية : بيقلل من الإحراج الناتج بسبب ظهور جزء كبير من اللثة و يخلي الابتسامة طبيعية أكتر و أجمل في جلسة واحدة .
- علاج فرط التعرق : بيمنع فيها الإمدادات العصبية لغدد العرق ، و بالتالي بيقل إفراز العرق بشكل كبير جدا.
️حقن البوتوكس ممكن تعالج فرط التعرق في أماكن كتير أبرزها الإبطين و الإيدين .