![](https://skinway.org/wp-content/webp-express/webp-images/uploads/2023/10/30526cc8-dc50-429c-8a79-21542a98f49c-1024x708.jpg.webp)
1.الميكرونيدلينج راديوفريكونسي:
تقنية الميكرونيدلينج (Microneedling) عبارة عن غرز إبر صغيرة في البشرة، بقوة معينة بيتحكم الطبيب فيها ، هدفها إنها تعمل جروح صغيرة في الجلد عشان حاجة أساسية أساسية : إني أدخل كولاجين جوا طبقات الجلد .
ورغم تنوع أسباب استخدام الميكرونيدلينج بين العلاجي والجمالي، ناس كتيرة جدا بتستخدمها أكتر حاجة عشان توصل لبشرة جذابة و مشرقة.
أهم مميزات استخدام تقنية الميكرونيدلينج على البشرة :
- علاج الندبات نتيجة حب الشباب.
- إزالة الخطوط الدقيقة والتجاعيد.
- تقليص مسامات البشرة الواسعة.
- محاربة علامات الشيخوخة.
- شدّ البشرة.
أهم أنواع الميكرونيدلينج :
- الراديوفريكونسي
- الديرما بن
- الديرما رولر
- الجولد ستامب
- الميكرونيدلينج راديوفريكونسي:
جهاز الميكرونيدلينج RF بيتكون من راس مليانة إبر صغيرة جدا قطرها يبدأ من 0.5 مم حتى 3.5 مم حسب الحالة اللي هتتعالج، و اللي بتدخل بأعماق مختلفة في طبقات الجلد ، و في نفس الوقت ، بيتم إصدار بعض الموجات الترددية اللي بتسبب تولد حرارة تعمل انكماش في الغشاء العضلي ،و دا بيسبب غلق المسام الواسعة ، و إخفاء التجاعيد وآثار حب الشباب والندوب .
دا غير إن الحرارة الناتجة عن جهاز الوخز بالإبر الدقيقة راديوفريكونسي بيساعد على تحفيز خلايا البشرة عشان تنتج كولاجين بصورة طبيعية من الجسم ودا اللي بيحسن حالة الجلد و ترجعله نضارته من جديد .
الإبر المستخدمة في الجلسة بتكون مطلية بالذهب ؛ و دا بيزود من قدرتها على توصيل ترددات موجات الراديو و بالتالي تدينها نتايج أحسن.
أبرز ميزة في تقنية الوخز بالإبر راديوفريكونسي إنها بتمتاز بالدقة العالية في التركيز على الأجزاء المصابة فقط .
أهم مميزات الراديوفريكونسي :
- الجلسة خالية من الألم تماماً ، وسريعة مش بتزيد عن نص ساعة.
- تقنية غير جراحية وبالتالي مش بتسيب جروح أو أي آثار خياطة .
- تناسب جميع الأعمار
- فترة تعافي قصيرة
- ممكن خلال الجلسة الواحدة ، الطبيب يعالج كذا مشكلة باستخدام أكتر من قطر مختلف على نفس الحالة.
- مناسبة لجميع أنواع البشرة.
2.الديرما بن:
- ديرما بن عبارة عن جهاز صغير شبه القلم، بتكون من مجموعة من الإبر الدقيقة اللي بتعمل ثقوب صغيرة أو خدوش في الطبقة العليا من الجلد ، بحيث تسمح بتحفيز الكولاجين اللي هيعالج لي مشاكل كتيرة للشرة منها :
- علاج مشاكل شحوب البشرة
- علاج حفر و ندوب حب الشباب.
- إزالة تصبغات الجلد
- تصغير مسام البشرة.
دا غير إن الديرما بن ينفع نستخدمها على أجزاء تانية من الجسم غير الوجه زي :
- الشعر
- الشفايف
- علامات التمدد و تشققات الجلد.
- تحت العين لعلاج الهالات السوداء
![](https://skinway.org/wp-content/webp-express/webp-images/uploads/2023/07/tbl_articles_article_34832_683bdc78a0f-b79d-46de-8583-bb773719985e.jpg.webp)
3.الديرما رولر:
الديرما رولر (Derma roller) عبارة عن أداة تشبه الفرشة، وليها راس مليانة على صفوف من الإبر الدقيقة عددها بيتراوح بين 100-1000 إبرة واللي بيختلف طولهم وسمكهم من أداة للتانية .
أهم ميزة موجودة في الراس المليانة بالإبر هي إنها بتلف بحيث نقدر نستخدمها بسهولة على المنطقة المصابة، بحيث نقدر نركز أكتر عليها .
أهم الحالات اللي بيعالجها جهاز الديرما رولر :
- تخفيف حدة التجاعيد نتيجة تحفيز البشرة إنها تنتج كولاجين .
- تحفيز شفاء الندوب واختفائها من على البشرة.
- تعزيز امتصاص الأدوية و المواد الطبية الضرورية عشان أعالج المشاكل الجلدية.
- تحسين مظهر ندوب حب الشباب .
- علاج سمك البشرة وتحسين ملمسها.
أهم الخطوات اللي لازم نلتزم بيها قبل و بعد الجلسة :
- الإهتمام بنظافة الجلد قبل و بعد الجلسة .
- استخدام واقي شمسي مناسب
- عدم وضع أي ميكب على البشرة خصوصا و هي متهيجة بعد الجلسة .
- اتاكدي دايما من تعقيم الديرما رولر قبل استخدامها .
![](https://skinway.org/wp-content/webp-express/webp-images/uploads/2023/07/78-161409-derma-roller-cautions-3.jpeg.webp)
4.الجولد ستامب :
لو عندك مناسبة و عايزة بشرتك تستعيد نضارتها قبلها و في وقت سريع ، يبقى حلك مع الجولد ستامب .
الجولد ستامب عبارة عن جهاز شبه القلم مليان إبر رفيعة جدا مطلية بالدهب ، و فيها جزء فيه ثقوب صغيرة مليانة بالميزوثيرابي و حمض الهيالورونيك اللازم لعلاج مشاكل البشرة و الشعر المختلفة ، بحيث يوصل لطبقات البشرة المختلفة .
غالبا الجولد ستامب بيكون جزء من جلسة تنظيف البشرة ، بحيث نستخدمه بعد ما نتأكد من نظافة البشرة و تعقيمها تماما .
بعد استخدام الجولد ستامب ، ممكن طبيب الجلدية يستخدم ماسكات مليانة بمستخلصات طبيعية و مواد تزود من نضارة البشرة و ترطيبها زي حمض الهيالورونيك بحيث تزود من امتصاص المواد دي .
بعد الإنتهاء من جلسة الجولد ستامب ، مهم جدا إنك تستعملي واقي شمسي مناسب لبشرتك عشان تحميها من الشمس و عوامل الجو المختلفة .
![](https://skinway.org/wp-content/webp-express/webp-images/uploads/2023/07/7-2.png.webp)